武漢肺炎之下,最難接受的是不是處理衛生問題,而是出現太多兩難局面,令雙方出現爭拗,導致關係破裂,情況比反送中721831還要嚴重。這些情況在職場出現都算啦,不過親人之間發生真係唔知點算好。每次決定都係無比艱難,因為我不能繼續做一個樂觀的人,必須考慮好多,最壞嘅就要靠自己,所以日日祈求有第三者介入調停。

首當其衝的就是湊B安排,本來由我們帶豚豚由親人日間照料,現在避免豚豚落街,於是請親人來我家照料。之後到檢查安排,母嬰健康院不幸成為武漢肺炎指定診所,因此我立即申請將豚豚轉到另一家健康院進行檢查,至於產後檢查應該沒有然後了。

其實今天還有指定診所的安排嗎?

一片死寂的機場

每星期盡量安排一天買齊餸菜及日用品,除非上班,否則盡量留在家裡。我也想行山跑步,不過想起一旦被隔離,就不能照顧豚豚了。在家裡從不會悶,每天的挑戰就是用最快速度洗衫及打掃,清潔一些以前自己不會清理的家居用品,例如抽油煙機,然後處理由老婆安排嘅暗黑料理實驗。

公司為免我地攬炒,我需要梅花間竹在家和公司返工。在家工作一點也不Chill,因為每天做足全日,必須和大佬們交待Project進度。在公司嘅空檔是瞓覺和吹水,在家裡嘅空檔是煮飯和湊女,哪有機會行山呢。Remote Desktop速度尚可,不過用手提電腦寫code寫得很辛苦,尤其用Mac機的Hot Key和Windows不同,用Ctrl+C Ctrl+V簡直精神分裂。當時我偷偷地買Air,好X貴現在覺得超值,用左8年仲咁順,Win10做唔到呢個效果。攪到心思思買新版本Air,固然Pro嘅spec勁D,但重量才是重點呢。

咁細個教定佢寫Code好嗎?

慶幸疫症爆發前和家人搭單訂左幾盒口罩,所以唔駛四圍撲罩,更不用買原材料回家縫口罩整消毒液。只有新年過後要捱貴菜和白米。假如網上瘋傳尿片可以阻擋病毒,豚豚真係GG。

武漢肺炎終於肆虐全球,股市大受影響,我眼巴巴睇住恆指一個早上跌千四幾點到下午再彈番千二點,呢個大奇蹟日,好似係我投資股票咁耐第一次遇過。幾個月前預計家庭開支大增,所以套現不少現金,不過仍保留月供計劃,也許現在是合適補貨吧。

讓自己有多一個選擇睇新聞:有線新聞OTT

為了撐那位去左武漢嘅記者,我訂左有線新聞OTT;其實電視台應該推出方便易用TV Apps (Mytv Super必須用佢嘅機頂盒, 唔比mirror落電視度,白痴),就算無Apps咪上載Youtube,頭條新聞和娛百狼人殺都係咁樣睇啦,今日幾多人睇。