2020年農曆新年,應該是最悠閒的一年。雖然豚豚剛剛滿月,但顧及狀況只計劃返老媽家食飯。點知一隻新型肺炎病菌,所有活動取消,沒搭過半程車,利是一封也未派。
![](http://im3238.com/wp-content/uploads/2020/01/img_20200128_164056604170001645009349-1024x768.jpg)
毋須頻撲到親友拜年也好,幹嗎忙過返工呢?不過家頭細務,換片餵奶,一日三餐繼續努力做。
多得一隻病菌,我地暫時放下警民衝突的事情,不過對國內的印象又差一大截。好地地有咁多豬牛雞海鮮唔食,硬要食野味,結果新年流流爆發疫症。
新年流流又即刻反映一切,點解有人做到一步到位,有人做到唔拖唔水,或是嫌人地做得太多,直到發生事情才發現自己準備不足
靠政府?你估林鄭係賀一誠咩。邊個人諗到佢用二千萬買口罩呢?新年前一步到位穩住民心,初一二三咪唔駛大開OT囉。靈活雖好,但危急關頭要果斷行事,免招話柄,可是林鄭總是怕得罪人。而家日日睇到人人四圍頻撲搶口罩、清潔用品、食品等,排左半日都係得個吉,我地惶恐過日子,晨早入定貨等住開圍骰的商家最開心。
其實我家準備充足,不過一個話唔夠,另一個驚唔夠,結果又係做左四圍撲嘢食一份子:廿幾蚊斤菠菜好很貴啊。
![](http://im3238.com/wp-content/uploads/2020/01/wp-15802824038851123729736061235091-1024x1024.jpg)
(我想mark credit, 請告知出處)