好耐未試過一口氣跑咁長嘅路。

對上一次跑咁長嘅路，應該係兩年幾前跑渣馬10k，之後太忙了，返工會跑一陣，或是太子女在運動場跟同學仔上跑步班嘅時候，自己在另一處倉鼠跑。

每次跑完，都覺得自己可以跑多啲，不過唔知為乜。為健康唔駛跑咁遠，為咗威唔駛攞苦嚟辛。見到人哋跑完10K以上好開心，好有型，自己笑自己癲咗呀。

幾日前得閒，可以試吓咁樣囉，路線由屋企跑到海邊，然後折返回家，應該差唔多10K左右啩。起初覺得幾舒服，返轉頭發覺條路越嚟越黑，附近無車搭番屋企，心驚驚都要焗住跑，實際上我擔心腳板痛，影響之後中秋節嘅玩樂。

最後我用咗超過一個鐘跑完，比以前慢很多，不過成個人很輕鬆愉快，跑完就可以立即上樓回家沖涼。